MALOKO A MOKGATLO WA ANC SELETENG SA SEKHUKHUNE A BEILE TSHEPO YA BONA MAGETLENG A MOGALEADI KA KAABO YA DITIRELO
By Frans Maepa
Jane Furse Lehutjo le kaaka legonono go maloko a mokgatlo wa ANC ka mo seleteng sa Sekhukhune gore mmeyara Minah Bahula o tlo tlisha diphetogo ge a ka fiwa monyetla ka masepaleng wa selete sa Sekhukhune.
Kopanong ya bona maabane ka sekolong sa Jane Furse Comprehensive moo shedi ye kgolo e bego e le kaabo ya meetse ka seleteng sa Sekhukhune, bontshi bja maloko ao ba bontshitje go hloka tshepo le kholofelo go mmeyara phethishi wa selete sa Sekhukhune khanselara Maleke Mokganyetji. Ba boletje ba sa metje mare gore ba nyaka go bona mmeyara wa Makhuduthamaga Minah Bahula a tjea marapo ka masepaleng wa selete sa Sekhukhune.
Ge a be a bolela lenaneong la Kgorong mesong ya lehono go Sekhukhune FM, mmoleledi wa mokgatlo wa ANC mo seleteng sa Sekhukhune Sam Uwane o re mokgatlo wa ANC o gare o kgola tsela ya Minah Bahula, Mogaleadia Hlabirwa, go ya ka masepaleng wa selete sa Sekhukhune ka ge tshepo ya bona e le magetleng a gagwe feela.
“Re kwane re le ba ANC mo seleteng sa Sekhukhune gore re romela Ganda Ganda elego Mogaleadi ka kua seleteng sa Sekhukhune. Meshomo ya gagwe ya kaabo ya ditirelo ka mo Makhuduthamaga e thiba letjatji gomme seo se re fa maatla a gore o tla ya a o besha wa tuka ka kua masepaleng wa selete gomme badudi ba holega ka meetse. Mo nakong ya ka fase ga kgwedi tje pedi, Mogaleadi o tlo ya ka seleteng sa Sekhukhune ebile re tshepa gore o tlo atlega ka ge ga bjwale go thwetjwe molaodi wa masepala wa sa ruri”, arealo Uwane
Leave a comment
